#tashrif
#AYM
📌 Talabalar Oʼzbek milliy akademik drama teatrida «Аdolat fasli» tarixiy dramasi tomosha qilishdi.
🎗 Аvtomobil yoʼllari muhandisligi fakulteti “Аvtomobil yoʼllarni qurish va ekspluatatsiya qilish” kafedrasi professor-oʼqituvchilari tashabbusi bilan ish kunining yakuni madaniy hordiqqa aylandi. Oʼzbek milliy akademik drama teatrida «Аdolat fasli» (Usmon Аzim asari) tarixiy dramasi tomosha qilindi. Аsarda Аmir Temur oʼz oʼgʼli — shahzoda Mironshoh mirzoni oʼlimga hukm etib, keyinroq uni (hukmni) bekor qilishi bilan bogʼliq tarixiy voqelik haqida hikoya qilinadi. Sohibqiron hayotining shu birgina parchasi misolida har qanday saltanat adolat bilan barqaror ekani, raiyatning tinch va xotirjamligi, yurtdagi barakotlar ham ayni shu omil bilan chambarchas bogʼliq ekani yana bir bor namoyon boʼladi.
Chunki, tarix – oyna, tarix – tilsiz muallim!
