Ish_bilan_taminlash
ETKM
📎Kecha Elektrotexnika va kompyuter muhandisligi fakultetida “O‘ztemiryo‘lmashta’mir” unitar ishlab chiqarish korxonasi hamkorligida “Kasbga yo‘naltirish” mavzusida uchrashuv bo‘lib o‘tdi.
Unda “O‘ztemiryo‘lmashta’mir” UK mutaxassislari Sh. Samatov, J. Mamatov va Sh. Mirsaidov hamda fakultet professor-o‘qituvchilari, talabalar ishtirok etdi.
Suhbat davomida har bir soha mutaxassisini mos ish bilan ta’minlash masalalari, “O‘ztemiryo‘lmashta’mir” unitar ishlab chiqarish korxonasida ish tartibi, korxona faoliyati haqida yangi kelgan xodimlarga tushuntirish, xodimlar uchun yaratilgan sharoit va imkoniyatlar, nazariya va amaliyotning o‘zaro bog‘liqligi kabi masalalar ko‘rib chiqildi.
Shundan so‘ng talabalar o‘zlarini qiziqtirgan savollariga soha mutaxassislaridan javoblar olishdi. Talabalardan sohaga oid takliflar tinglandi.
Telegram (https://t.me/tstu_online)|Facebook (https://www.facebook.com/tdtru.uz)|Web-sayt (http://manaviyat.tashiit.uz/)|Instagram (https://www.instagram.com/tdtu_sirius_media)|YouTube (https://youtube.com/channel/UCHsD0VuN4zSLRM5kD1Ex8eA)