ijara
komissiya_yigilishi
⚡️Universitet Talabalar turar joylari bilan ta’minlash ishlarini muvofiqlashtirish bo‘limi tomonidan ijara huquqi asosida yashayotgan talabalar tomonidan to‘lanadigan ijara to‘lovlarini qoplab berishga bag‘ishlangan komissiya yig‘ilishi o‘tkazildi.
Unda “Davlat oliy ta’lim muassasalarining ijara huquqi asosida yashayotgan talabalariga oylik ijara to‘lovining bir qismini Oʻzbekiston Respublikasi Davlat byudjeti hisobidan qoplab berish tartibi to‘g‘risida nizom”dagi mezonlarga mos kelgan talabgorlar ro‘yxati ko‘rib chiqilib, Komissiya xulosasiga ko‘ra 2022-yil 7-mart holatiga 71 nafar ijarada yashovchi talabalarga oylik ijara to‘lovining bir qismini to‘lab berish bo‘yicha qaror qabul qilindi.
— Shu kunga qadar universitet talabalaridan ijarada yashovchilarining jami 376 nafariga to‘lov qilib berildi, — deydi Talabalar turar joylari bilan ta’minlash ishlarini muvofiqlashtirish bo‘limi boshlig‘i Shuhrat Eshbekov. — Shundan 368 nafari yigitlar, 8 nafari qizlarni tashkil etadi.
Telegram (https://t.me/tstu_online)|Facebook (https://www.facebook.com/tdtru.uz)|Web-sayt (http://manaviyat.tstu.uz/)|Instagram (https://www.instagram.com/tdtu_sirius_media)|YouTube (https://youtube.com/channel/UCHsD0VuN4zSLRM5kD1Ex8eA)