Avtomobil transporti muhandisligi fakulteti bitiruvchi talabalarining amaliyot mashg‘ulotlarini bevosita ishlab chiqarish bilan bog‘lash maqsadida “Krantas group” MChJ zavodiga tashrifi tashkil etildi.
“Avtomobil va avtomobil xo‘jaligi” kafedrasining dotsent v.v.b. A.G. Ikromov rahbarligidagi tashrifda talabalar zavoddagi zamonaviy yuk ko‘tarish texnikalari, maxsus texnikalar, samosvallar, qishloq xo‘jalik texnikalari, metall qurilmalarini ishlab chiqarish xususidagi bilimlarining bevosita amaliyot bilan chambarchas bog‘liqligini yana bir bora guvohi bo‘ldilar.
Zavod yiliga 500-600 dona maxsus texnikalar ishlab chiqarish quvvatiga ega ekanligi, qolaversa, ushbu loyihalarning 3D modellarini, ishchi va butlovchi qismlarining chizmalarini yaratish uchun albatta, zamonaviy dasturlardan foydalanishlarini, buning uchun kadrlardan yuqori bilimlar talab qilinishi mutaxasislar tomonidan aytib o‘tildi.
