Aprel oyi boshidan boshlangan festival davom etmoqda. Sahnada Elektrotexnika va kompyuter muhandisligi va Avtomobil transporti muhandisligi fakultetlari shartlar bo‘yicha chiqishlarini ko‘rsatdilar.
ETKMF jamoasining “Ajdodlar xotirasi mangu, abadiy” monologi, “So‘zana” ashulasi, jonli ijrodagi o‘zbek xalq ashulalari, talabalar hayotidan videolavha, Nasrullo Qobilning “To‘da” spektakli, “Muhabbat” ashulasiga ommaviy raqs ijrosi, talabalarning quvnoq chiqishlari barchada iliq taassurot qoldirdi, umumiy 181 ball bilan baholandi.
Avtomobil transporti muhandisligi fakultetining “Fakultetlar qo‘zg‘oloni” sahna ko‘rinishi, talabalar hayotiga oid videorolik, “Poppuri” ommaviy raqsi, “Auvnoqlar va zukkolar” chiqishlari baholanib 163 ball berildi.
