#qabul_2022
📌 “Oliy taʼlim muassasalariga ko‘zi ojiz abituriyentlarni o‘qishga qabul qilish tartibi”ga muvofiq abituriyentlar bilan onlayn suhbat bo’lib o’tdi.
O’zbekiston Respublikasi Prezidentining 2022-yil 15-iyundagi 297-sonli qarori ijrosini ta’minlash maqsadida hamda Vazirlar Mahkamasining 2017-yil 20-iyundagi 393-son qarorining 3-ilovasi bilan tasdiqlangan “Oliy taʼlim muassasalariga ko‘zi ojiz abituriyentlarni o‘qishga qabul qilish tartibi”ga muvofiq 2022-yil 17-avgust kuni 2022-2023 o‘quv yilida xorijiy fuqarolar va ko‘zi ojiz abituriyentlarni Toshkent davlat transport universitetiga qabul qilish uchun kirish imtihonlari suhbat shaklida onlayn tarzda o’tkazildi. Bakalavriat bosqichiga 8 nafar, magistratura bosqichiga 1 nafar xorijiy fuqarolardan hamda 3 nafar ko’zi ojiz bo’lgan abiturientlar tomonidan jami 12 ta arizalar kelib tushdi. Suhbat yakuniga ko’ra ularning 6 nafari o’qishga qabul qilindi.
