tanlov

📚Talaba-yoshlarning bo‘sh vaqtlarini mazmunli tashkil etish, shuningdek, faol, izlanuvchan talabalarni rag‘batlantirish, tengdoshlariga nisbatan o‘rnak ko‘rsatish maqsadida Avtomobil yo‘llari muhandisligi fakultetining “Shahar yo‘llari va ko‘chalari” kafedrasi qoshida tashkil etilgan “Zamin gruntlari” to‘garagi a’zolari o‘rtasida “Bilimdon muhandislar” tanlovi bo‘lib o‘tdi.

🧮Tanlovda ishtirokchilar berilgan mavzular bo‘yicha 3 ta shart asosida o‘zaro bellashdilar.

📑Hay’at a’zolari talabalar bildirgan ma’lumotlarini tinglab, shuningdek ishtirokchilar tomonidan tayyorlangan maketlar, taqdimotlarning ilmiy asoslarini o‘rganib, belgilangan mezonlardan kelib chiqqan holda, xolisona baholab borishdi. G‘oliblikni qo‘lga kiritgan ishtirokchilar universitet rahbariyati tomonidan 1-o‘rinni egallagan jamoa ishtirokchilari 3 mln, 2-o‘rinni egallagan jamoa ishtirokchilari 2 mln va 3-o‘rinni egallagan jamoa ishtirokchilari 1 mln so‘mdan moddiy rag‘batlantirildi, faxriy yorliq hamda esdalik sovg‘alar bilan taqdirlandilar.

Telegram (https://t.me/tstu_online)|Facebook (https://www.facebook.com/tdtru.uz)|Web-sayt (http://manaviyat.tashiit.uz/)|Instagram (https://www.instagram.com/tdtu_sirius_media)|YouTube (https://youtube.com/channel/UCHsD0VuN4zSLRM5kD1Ex8eA)