“Yoʼllarda qatnovni tashkil etish va xavfsizlikni taʼminlash ilm bilan hamohang boʼlishi kerak” – Prezident.
Yigʼilishda Yunusobodning Yunus-ota koʼchasida 2020 yilda 4 ta avtohalokat sodir boʼlgan boʼlsa, 1 dona svetofor oʼrnatish orqali 2021 yilda birorta avariya boʼlmagani, Kichik halqa yoʼlining Lak-boʼyoq korxonasi qarshisida qarama-qarshi yoʼlni ajratuvchi toʼsiq oʼrnatish orqali avariyalarga barham berilgani misol qilib keltirildi.
“Mana sizga ilmiy yondashuv va oddiy tahlil bilan yechim”, dedi davlatimiz rahbari.
Poytaxt va yirik shaharlardagi markaziy koʼchalarda tezlik cheklovlarini ilmiy asoslanib belgilash lozimligi qayd etildi.
Jumladan, maktab va bogʼchalar oldida tezlik 30 kilometrdan oshmasligi shart. Аyrim gavjum koʼchalarda esa hozirgi 70 kilometr soatdan 60 kilometrgacha tushirish zarurati borligi koʼrsatib oʼtildi.
