Joriy yilning 5-aprel kuni Qo‘shma fakultetda “Biz ommaviy madaniyatga qarshimiz” mavzusida davra suhbati bo‘lib o‘tdi.
Fakultet tyutori D.Abdullayev tomonidan tashkil etilgan davra suhbatida axborot xavfsizligini ta’minlashga qaratilgan eng muhim vazifalar haqida so‘z borar ekan, bunda yoshlarimizda axborot olish madaniyatini shakllantirish, ularni g‘oyaviy-mafkuraviy tajovuzlardan himoyalash mexanizmlarini takomillashtirish masalalari ishtirokchilar diqqat markazida bo‘ldi. Xususan, yoshlarda internet tarmog‘idan foydalanganda madaniyat va axloq me’yorlariga rioya qilishni, mafkuraviy immunitetni kuchaytirish, xususan, internet tarmog‘iga axborotni joylashtirish, tarqatish, izlash, foydalanish kabi xususiyatlarni o‘z ichiga olgan axborot xavfsizligi va internet madaniyatini mukammal o‘zlashtirishlarini hamda bu boradagi tegishli huquqiy va tashkiliy tavsiyalarni yanada takomillashtirish lozimligi qayd etildi.
