5-aprel kuni Avtomobil yo‘llari muhandisligi fakultetida uzoq yillar avtomobil yo‘l sohasida mutaxassislar tayyorlashda faoliyat yuritgan, texnika fanlari doktori, professor, “Yo‘l ustalari ustozi” Shaxidov Abduboriy Fattaxovich tavalludining 70 yilligi nishonlandi.
Shu munosabat bilan “Avtomobil yo‘llarini loyihalash, qurish va ekspluatatsiya qilishning dolzarb muammolari va innovatsion texnologiyalari” mavzusidagi ilmiy-texnik konferensiya bo‘lib o‘tdi.
Tadbirga tashrif buyurganlar professor Shaxidov Abduboriy Fattaxovichning ustozlari, birga o‘qigan va ishlagan kursdosh hamda kasbdoshlari so‘zga chiqib ustozning mashaqqatli mehnat faoliyati haqida iliq fikrlar bildirdilar.
